"Биеийн тамирын дасгалыг бага наснаас нь эхлэх хэрэгтэй", "Хүүхдүүдийг гүйлгэх ёстой"... Өсвөр насныхны бие бялдар, сэтгэцийн эрүүл мэнд бол ерөнхий нарийн бичгийн дарга Ши Жиньпиний хувьд маш их анхаарал хандуулсаар ирсэн асуудал юм. Ши Жиньпин олон газруудаар очиж ажиллах үеэр сурагчдын биеийн тамирын дасгалын талаар байнга асууж, “илүүдэл жин”-тэй болон “харааны шил зүүсэн” хүүхдүүдийн нөхцөл байдлын талаар санааширч буйгаа илэрхийлж, "эрүүл мэндийг нэн тэргүүнд тавих боловсролын үзэл ойлголтыг бий болгох", "сурагчдын бие бялдар, сэтгэцийн эрүүл мэнд, бүх талын хөгжлийг дэмжих" шаардлагатайг онцолж ирсэн юм.
2016 оны Багш нарын баярын өмнөхөн Ши Жиньпин өөрийн төгссөн сургууль болох Бээжингийн Их сургуульд зочилж, биеийн тамирын талбайд тусгайлан ирж, "Ёс суртахуун, оюун ухаан, бие бялдар, гоо зүйн боловсролыг цогцоор нь хөгжүүлэх хэрэгтэй бөгөөд үүнд биеийн тамирын дасгал нь зан чанарыг төлөвшүүлэх, хүсэл зоригийг төлөвшүүлэхэд чухал үүрэг гүйцэтгэдэг" гэж хэлсэн юм.
2023 оны 5-р сарын 31-нд Ши Жиньпин Бээжингийн Юй Ин сургуульд ирж, багш, сурагчдад мэндчилгээ дэвшүүлж эргэж үзсэн юм. “Өдгөө амьдралын нөхцөл боломж сайжирлаа, хүүхдүүд жингийн илүүдэлтэй махлаг биш, харин хүчтэй чийрэг, эрүүл байх ёстой. Биеийн тамирын дасгал хөдөлгөөнийг бага наснаас нь эхлэх хэрэгтэй, биеийн тамирын дасгал хөдөлгөөн илүү байх тусам “илүүдэл жин”-тэй болон “харааны шил зүүсэн” хүүхдүүдийн тоо цөөрөх болно” гэж тэрээр хэлэв.
Ерөнхий нарийн бичгийн даргын анхаарал халамжийн дор сургуулиудын "эрүүл мэндийг хамгаалах цогц кампанит ажил” бүх талаар өрнөсөн билээ.
Хятад улсыг “Боловсролын хүчирхэг улс орон болгон бүтээн байгуулах тухай хөтөлбөр (2024-2035)"-д: Эрүүл мэнд нэн тэргүүнд гэсэн боловсролын үзэл ойлголтыг хэрэгжүүлж, сурагчдын бие бялдрын чийрэгжилтийг сайжруулах төлөвлөгөөг хэрэгжүүлж, бага, дунд сургуулийн сурагчид өдөр бүр дор хаяж хоёр цаг биеийн тамирын дасгал хөдөлгөөн хийх ёстой гэж тодорхой заасан байна. Энэ жилийн Засгийн газрын ажлын тайланд мөн "суралцагчдын бие бялдар, сэтгэцийн эрүүл мэнд, цогц хөгжлийг дэмжих" санал дэвшүүлжээ. Өдөр бүр хоёр цаг биеийн тамирын дасгал хөдөлгөөн хийх нь улс орон даяар сургуулиудад хэвшил болж байна.
